इजरायलले भन्यो: गाजामा बन्धक बनाइएका थाई नागरिकको शव भेटियो

इजरायलका रक्षामन्त्री इजरायल काट्जले अक्टोबर २०२३ मा हमासले आक्रमण गर्दा बन्धक बनाइएका थाई नागरिकको शव फेला परेको बताएका छन्।

उनका अनुसार नट्टापोङ पिन्टाको शव शुक्रबार दक्षिणी गाजाको रफाह क्षेत्रमा विशेष कारबाहीका क्रममा फेला परेको हो। 

३५ वर्षीय पिन्टा दक्षिणी इजरायलमा कृषि मजदुरका रूपमा काम गर्थे। त्यही बेला उनी अपहरणमा परेका थिए। 

एक इजरायली सैन्य अधिकारीले पिन्टाको मृत्यु अपहरणको पहिलो महिनामै भएको अनुमान गरेका छन्। 

यसअघि इजरायली सेनाले यसै हप्ता गाजामा दुई इजरायली अमेरिकीको शव फेला पारेको थियो।