युनिकोड
भारतको नयाँ दिल्लीमा जी२० शिखर सम्मेलन सुरु भएको छ।
भारत मण्डपमा भारतीय प्रधानमन्त्री नरेन्द्र मोदीले विदेशी अतिथिहरूलाई स्वागत गरे। उद्घाटन मन्तव्यमा प्रधानमन्त्री मोदीले मोरक्कोको भूकम्पमा परी ज्यान गुमाएकाहरूप्रति श्रद्धाञ्जली अर्पण गरे।
उनले दुःखको यस घडीमा भारत मोरक्कोको साथमा रहेको र जनतालाई हरसम्भव सहयोग गर्ने प्रतिबद्धता पनि जनाएको भारतीय सञ्चारमाध्यमले जनाएका छन्।
शिखर सम्मेलनको उद्घाटन सत्रमा प्रधानमन्त्रीले अफ्रिकन युनियनलाई जी–२० को स्थायी सदस्य बनाउने प्रस्ताव राखे। र, अध्यक्षको हैसियतमा प्रधानमन्त्री मोदीले सो प्रस्ताव पास गर्नेबित्तिकै अफ्रिकन युनियनका प्रमुख अजली असोमानीले मोदीलाई अँगालो हाले।
चीन र युरोपेली संघले पनि भारतलाई जी २० मा अफ्रिकन युनियन समावेश गर्न समर्थन गरेका थिए।
प्रतिक्रिया