युनिकोड
फिल्म ‘बेहुली’ को छायांकन सकिएको छ। दुई वटा गीतको सुटिङ बाँकी राख्दै ४५ दिनको अवधिमा फिल्मको सुटिङ ‘इन्ड क्ल्याप’ गरिएको हो।
यस फिल्ममा पारस बम ठकुरी (कुलब्वाय), दिव्या रायमाझी र शुशान्त कार्कीको मुख्य भूमिका रहेको छ। फिल्म आगामी जनै पूर्णिमाको शुभ अवसर पार्दै भदौ १२ गते रिलिज हुँदै छ।
चर्चित सङ्गीतकार अर्जुन पोखरेल पहिलो पटक निर्माता रहेको फिल्ममा सशान कँडेलको निर्देशन रहेको छ। फिल्मको कथा माधव शर्माले लेखेका हुन्।
सुपरहिट ‘होस्टेल-३’ मा पनि निर्देशक कँडेल र लेखक शर्माले सहकार्य गरिसकेका छन्। जुन फिल्म बक्सअफिसमा हिट भएको थियो।
यस फिल्ममा पदम तामाङ, सन्तोष बानिया, सरिता गिरी, विशाल पहारी, कर्मा लामा, दिपक गौली, विमल यादव, अबिरल श्रेष्ठ, सबिन कट्टेल र समायरा थापा मगरलगायतको अभिनय छ। नरेन्द्र मैनालीको छायाङ्कन (डीओपी) रहने चलचित्रलाई विकास दाहालले सम्पादन गर्नेछन्।
प्रतिक्रिया