जेठ १५ गतेबाट रिलिज हुँदै फिल्म ‘कुम्भ’

रन्धिर श्रेष्ठको लेखन तथा निर्देशन रहेको फिल्म ‘कुम्भ’ आगामी जेठ १५ गतेदेखि रिलिज हुने भएको छ। लामो समयदेखि म्युजिक भिडिओ निर्देशन तथा चलचित्र छायांकनमा सक्रिय श्रेष्ठले यस फिल्ममार्फत एक्सन-लभ स्टोरी प्रस्तुत गरेका छन्।

ए रस प्रोडक्सनको ब्यानरमा निर्माण भएको ‘कुम्भ’ नेपाली र हिन्दी दुवै भाषामा रिलिज गरिने जनाइएको छ। चलचित्रमा दक्षिण भारतीय कलाकार सुरेन्द्र ठाकुरको समेत अभिनय रहेको छ।

यस नवनायक अशोक आर्यन, वरिष्ठ कलाकारहरू सुनिल थापा र सुशील पोखरेलका साथै रोहित रुम्बा, अफ्सना थापा र सृष्टि खड्काको मुख्य अभिनय रहेको छ। चलचित्रको नेपाल र साउथ इन्डियामा छायांकन गरिएको चलचित्रमा साउथ इन्डियाका थुप्रै कलाकारको अभिनय रहेको छ।

चलचित्रको छायांकन निर्देशक श्रेष्ठ स्वयंले गरेका हुन्। संजय थापा द्वन्द्व निर्देशन रहेको फिल्मको निर्माणमा रन्धिर श्रेष्ठ र राजेश साह संलग्न छन्। फिल्मको पहिलो गीत यही शुक्रबार सार्वजनिक गरिने र त्यससँगै प्रचार–प्रसार अभियान सुरु गरिने निर्देशक श्रेष्ठले जानकारी दिए।

अब यो फिल्म ‘रोल नं १’ सँग भिड्नेछ। किनकी सोही दिनको लागि यसअघिनै मिति तोकिसकेको छ।