दोलखामा १५ राउण्ड हवाइ फायर, थप सुरक्षाकर्मी पठाइयो

दोलखाका विभिन्न मतदान केन्द्रमा झडप भएको छ। झडप नियन्त्रणमा लिन प्रहरीले १५ राउण्ड बढी हवाई फायर गरिसकेको बागमति प्रदेश प्रहरी प्रमुख डीआईजी किरण बज्रचार्यले जानकारी दिइन्। 

अहिले त्यहाँ नेपाली सेना र सशस्त्र प्रहरीको थप जनशक्ति पठाइएको छ।

झडपपछि केही स्थानमा पुनः मतदान सुरु भएपनि केही स्थानमा अझै मतदान रोकिएको छ। केही ठाउँमा झडप नियन्त्रणमा लिन प्रहरीलाई सकस परेपछि थप जनशक्ति पठाइएको डीआईजी बज्रचार्यले बताइन्।