युनिकोड
काठमाडौं महानगरपालिकाको मतगणना अन्तिम चरणमा पुगेको छ। पछिल्लोपटक सार्वजनिक भएको मतपरिणाम अनुसार १ लाख ८३ हजार ६ सय ७९ मतगणना भइसकेको छ।
काठमाडौंमा १ लाख ९१ हजार १ सय ८६ मत खसेको थियो। अब ७ हजार ५ सय ७ मत गणना गर्न बाँकी छ।
काठमाडौं महानगरका ३२ वडामध्ये २९ वडाको अन्तिम मतपरिणाम सार्वजनिक भइसकेको छ। अब ३ वटा वडाको मतपरिणाम आउन बाँकी छ।
काठमाडौंको मेयुरमा स्वतन्त्र उम्मेदवार बालेन्द्र साहले ५९ हजार १ सय ४९ मत पाएका छन्।
उनका निकटतम प्रतिद्वन्द्वी गठबन्धनका तर्फबाट काग्रेसकी उम्मेदवार सिर्जना सिंहले ३७ हजार ५ सय ४२ मत प्राप्त गरेकी छन्।
एमाले उम्मेदवार केशव स्थापितले ३७ हजार २ सय १८ मत पाएका छन्। काठमाडौंको वडा नं १४, १५ र १६ को मतगणना जारी छ।
प्रतिक्रिया