विराटनगर महानगरपालिकामा गठबन्धनका उम्मेदवार नागेश कोइरालाले एमालेसँगको मतान्तर फराकिलो पार्दै लगेका छन्।
पछिल्लो मत परिणाम सार्वजनिक हुँदासम्म प्रमुखमा नेपाली कांग्रेसले ५०१७ को मतान्तरले बताएको छ।
विराटनगर महानगरपालिकाको प्रमुखमा नेपाली कांग्रेसका नागेश कोईरालाले २० हजार ६३ मत प्राप्त गर्दा उनलाई नेकपा एमालेका सागरकुमार थापाले पछ्याउँदै १५ हजार ४६ मत प्राप्त गरेका छन्।
प्रमुखमा स्वतन्त्र उम्मेदवार उमेशकुमार यादवले ६ हजार ३६९ मत प्राप्त गरेका छन्। उपप्रमुखमा नेकपा एमालेकी शिल्पा निराला कार्कीले १७ हजार ३८७ मत ल्याउँदा गठबन्धनका उम्मेदवार जसपाका अमरेन्द्र यादवले १० हजार २२५ मत प्राप्त गरेका छन्।
राप्रपाकी विन्दाकुमारी लुईँटेल आचार्यले ४ हजार ६८१ मत ल्याएकी छिन्। उपप्रमुखमा एमाले र जनता समाजवादी पार्टी बिचको मतान्तर ७ हजार १६२ पुगेको छ।
Shares
प्रतिक्रिया