युनिकोड
मोरङको लेटाङ नगरपालिकामा एमाले विजयी भएको छ। लेटाङको मेयर र उपमेयर दुबै पदमा एमालेका उम्मेदवार विजयी भएका हुन्।
एमालेका भुपेन्द्र लावती १० हजार २२७ मत ल्याएर मेयरमा विजयी भएका छन् भने उपमेयरकी उम्मेदवार कृष्णकुमारी निरौला ९ हजार ४६० मत ल्याएर विजयी भएकी छन्।
कांग्रेसका मेयर उम्मेदवार ज्ञानेन्द्र ढकालले ८ हजार १०५ मत मात्र प्राप्त गरेका छन्। उपमेयरमा माओवादी केन्द्रका कृष्णप्रसाद लम्सालले ४ हजार ९०५ मत मात्रै ल्याएका छन्।
अघिल्लो निर्वाचनमा लेटाङ नगरपालिकाको प्रमुख कांग्रेसले जितेको थियो।
लेटाङ नगरपालिकामा एमालेले प्रमुख, उपप्रमुखसहित १, २, ३, ४, ५ र ७ नम्बर वडामा प्यानल नै जितेको छ। वडा नम्बर ९ मा पनि एमालेले वडाध्यक्षबाहेक ४ जना सदस्य जितेको छ।
प्रतिक्रिया