युनिकोड
अघिल्लो निर्वाचनमा मेयर जितेको एमाले दाङको लमहि नगरपालिकामा ‘क्लीनस्वीप’ भएको छ। लमहीको मेयरमा नेपाली कांग्रेसका जोगराज चौधरी र उपमेयरमा कांग्रेसकै लक्ष्मी योगी विजयी भएका छन्।
जोगराजले ९ हजार ३१७ मतका ल्याएका छन्। उनका प्रतिस्प्रधी माओवादी केन्द्रका बसन्तराज शर्माले ७ हजार २८५ मत प्राप्त गरे।
अघिल्लो पटक मेयर जितेको एमाले तेस्रो स्थानमा आएको छ। एमालेका दण्डीराम चौधरीले ५ हजार ५०३ मत मात्रै पाए।
उपमेयरमा कांग्रेसकी लक्ष्मी योगी ८ हजार ७३७ मतसहित विजयी भएकी छन्। माओवादी केन्द्रकी गंगा पाण्डेले ५ हजार ८४८ र एमालेकी सुशिला शर्माले ५ हजार ३१२ मत प्राप्त गरिन्।
नगरका ९ वडामध्ये ८ वडा कांग्रेसले जितेको छ । वडा नम्बर ५ मा माओवादी केन्द्रले वडाध्यक्ष जितेको छ भने सदस्यहरु कांग्रेसकै विजयी भएका छन्।
एमाले वडाहरुमा समेत शून्य भएको छ। लमही नगरका कुल ४७ पद मध्ये ४६ पदमा कांग्रेस र एउटा वडाध्यक्ष माओवादी केन्द्रले जितेको हो।
मेयरमा निर्वाचित चौधरी २०७४ मा एमालेका कुलबहादुर खत्री क्षेत्रीसँग ८३ मतले पराजित भएका थिए। त्यतिबेला पनि उपमेयरमा कांग्रेस नै विजयी भएको थियो।
प्रतिक्रिया