युनिकोड
डोटीको शिखर नगरपालिकाको मेयर र उपमेयर दुबैमा नेपाली कांग्रेस विजयी भएको छ। मेयरमा कांग्रेसका दीर्घ बलायर विजयी भएका छन्। उनी ६ हजार ५६२ मत ल्याउँदै विजयी भएका छन्।
बलायरका निकटतम प्रतिद्वन्द्वी नेकपा एमालेका भीम बलायरले ४ हजार ५९१ मत प्राप्त गरेका छन्। एकीकृत समाजवादीका सागर भट्टले ३०२ मत र राप्रपाका गिरी रोकायाले ४२ मत मात्रै पाए।
यस्तै उपमेयरमा नेपाली काँग्रेसकै सुनिता रावल (जोरा) ६ हजार ४२६ मत ल्याउँदै विजयी भइन्। उनकी प्रतिस्पर्धी नेकपा एमालेकी लक्ष्मीदेवी मल्लले ४ हजार ६४५ मत पाइन् भने नेकपा माओवादीका रमेशप्रसाद जोशीले ३६६ मत मात्रै प्राप्त गरेका छन्।
प्रतिक्रिया