युनिकोड
लोबुचे हिमाल आरोहणका लागि बहराइनका राजपरिवार सदस्यसहित १८ जनाको टोली हेलिकप्टरमार्फत लुक्ला प्रस्थान गरेको छ।
हिमाल आरोहणका लागि बुधबार विमानमार्फत लुक्ला जाने कार्यक्रम भए पनि मौसममा आएको खराबीका कारण जानसकेको थिएन।
कैलाश हेलिकोप्टरमार्फत मोहम्म हामिद मोहम्म अल खलिफासहितको टोली लुक्ला प्रस्थान गरेको हो। मनास्लु र लोबुचे हिमाल आरोहणका लागि भदौ ३१ गते नेपाल आएका थिए।
रोयल गार्ड बहराइनका १५ सहित ३ बेलायती नागरिक छन्। लोबुचे हिमाल आरोहणपछि उनीहरु मनास्लु हिमाल आरोहण गर्नेछन्।
लोबुचे हिमाल आरोहणका लागि दुई हप्ता र मनास्लु हिमाल आरोहणका लागि १ महिना समय लाग्छ।
प्रतिक्रिया