ad ad

कारोबार


टेक अफ गरेको २९ सेकेन्डमै सौर्यको जहाज दुर्घटना, जाँचबुझ आयोगले दियो ३ सुझाव

टेक अफ गरेको २९ सेकेन्डमै सौर्यको जहाज दुर्घटना, जाँचबुझ आयोगले दियो ३ सुझाव

नेपालखबर
भदौ २१, २०८१ शुक्रबार १५:४८, काठमाडौँ

सौर्य एयरलाइन्सको जहाज दुर्घटना जाँच आयोगले हवाई दुर्घटना रोक्न तत्काल ३ वटा काम गर्न सुझाव दिएको छ। सौर्य एयरलाइन्स दुर्घटनापछि गठित रतिसचन्द्रलाल सुमन अध्यक्ष रहेको जाँचबुझ आयोगले अन्तरिक उडान सुरक्षाका लागि ३ सुझाव दिएको हो।

प्रारम्भिक रिपोर्टले सबै वायुसेवा कम्पनीहरुलाई तत्काल स्पिडकार्डको विषयमा समिक्षा गर्न सुझाएको छ।

दोस्रोमा, वायुसेवा कम्पनीहरूले कार्गो ब्यागेज हेन्डलिङको मापदण्ड अनिवार्य गर्न सुझाएको छ। ब्यागेज र कार्गोको तौल गर्नुपर्ने, समान राख्दा जहाजको सन्तुलन मिल्ने गरी राख्नुपर्नेछ। 

तेस्रोमा, नेपाल नागरिक उड्डयन प्राधिकरणले उडान प्रक्रियालाई समीक्षा गर्न सुझाव दिएको छ। 

कम्पनीहरूको नन सेडुअल फ्लाइट र यात्रुबिनाका जहाज उडानहरूले समेत सबै प्रक्रिया पूरा गर्न सुझाव दिएको छ। 

रतीशचन्द्रलाल सुमन संयोजक रहेको आयोगमा दीपुराज ज्वारचन, सञ्जय अधिकारी, डा. सुदिन भट्टराई र सदस्य सचिवमा मुकेश डंगोल रहेका छन्। 

आयोगको प्रारम्भिक रिपोर्टले त्रिभुवन विमानस्थलमा गत साउन ९ गते भएको सौर्य एयरलाइन्सको दुर्घटनाका पनि ३ कारण देखाएको छ।

जहाजको तौलमा ध्यान नदिएको, जहाजको लोड अनुसारको गति र उडान प्रक्रियामा त्रुटि रहेको उल्लेख गरेको छ। 

जहाजको लोड कति हुनुपर्ने, लोडिङ र सुरक्षा आवश्यकता रहेको उल्लेख गरेको छ। जहाज उडानपूर्व लोडमा ध्यान नदिइएको उल्लेख छ। जहाजको लोड अनुसार कति गतिमा उडान हुनुपर्छ भन्ने मापदण्ड पलना नगरेको उल्लेख छ। 

सौर्य एयरलाइन्सकोले ५ सेकेन्डमा ५० फिट माथिको उचाई लिएको थियो। जहाजले १०० फिटसम्मको उचाइ लिएको प्रतिवेदनमा उल्लेख छ।

त्यस्तै, टेक अफ गरेको २९ सेकेन्डमै जहाज झरेको थियो भने २१ सेकेन्डमा जहाज रोटेड भएको फ्लाइट रेकर्डिङ डेटाबाट देखिएको छ। 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .