युनिकोड
सबैभन्दा पुरानो मोटरसाइकल ब्रान्ड, ‘रोयल इनफिल्ड’ का लागि आधिकारिक बिक्रेता अल्फा अटोमोटिभले ‘रेसेस राइड’ कार्यक्रम आयोजन गर्ने भएको छ।
यस कार्यक्रमको मुख्य उद्देश्य ‘रोड सेफ्टी अवार्नेस, राइड सेफ्टी अवार्डनेस’ र बन्दीपुरको इन्टरनल टुरिजम प्रवर्द्धन गर्नु रहेको कम्पनीले जनाएको छ।
रोयल इनफिल्ड मोटरसाइकलका ग्राहकहरुले अनलाइन फर्म भरेर यो राइडमा सहभागी हुन सक्नेछन्।
‘रेसेस राइड’ कार्यक्रम यही फागुन १९ र २० गते हुनेछ। फाल्गुन १९ गते विहान ६ बजे रोयल इनफिल्डको नक्साल शोरूमबाट सुरु हुने यो राइड थान्कोट–नागढुङ्गा–नौबिसे–बैरेनि–बेनिघाट–कुरिन्टार– मुग्लिङ्–आबु खैरेनि–डुम्रे हुँदैसोही दिन बन्दीपुर पुग्नेछ।
बन्दीपुर पुगेपछि राइडरहरूको मनोरञ्जनका लागि सांस्कृतिक कार्यक्रम र अन्तरक्रियात्मक कार्यक्रमहरु हुनेछन। फागुन २० गते बिहानको खाजा खाएपछि राइडरहरूको टोली अनुशासित ढंगले आ–आफ्नै गन्तव्य फर्किनेछन र कार्यक्रम समापन गरिने छ।
राइडरहरूले रोयल इन्फिल्डबाट विशेष उपहार पाउनेछन्भने फारम बुझाउने अन्तिम मिति फागुन १६ गते रहेको अल्फा अटोमोटिभ प्रालिले जनाएको छ।
प्रतिक्रिया