रौतहटमा हुरीले घर भत्काउँदा महिलाको मृत्यु

रौतहटमा सोमबार साँझ आएको हुरीले घर भत्काउँदा महिलाको ज्यान गएको छ।

हुरीले ढालेको घरले थिचिँदा रौतहटको वृन्दावन नगरपालिका-७ धमौराटोलका ३५ वर्षीया फूलकुमारी देवीको मृत्यु भएको हो।

फूलकुमारीको उपचारको क्रममा राति रौतहटको गरुडास्थित बेटर नेपाल अस्पतालमा मृत्यु भएको जिल्ला प्रहरी कार्यालयका निमित्त सूचना अधिकारी रोहितकुमार शर्मा बढईले जानकारी दिए।

हुरीले रायको घरको टायलको छानो र बासको बार भएको एकतले कच्ची घर भत्किँदा फूलकुमारीको मृत्यु भएको उनले बताए। रासस