सन्दीप लामिछानेले नेपाललाई पाँचौं सफलता दिलाएका छन्।
टोलीको ११औं ओभरमा व्यक्तिगत तेस्रो ओभर लिएर आएका सन्दीपले दोस्रो बलमा सफिक सरिकलाई बोल्ड गरेका हुन्।
सफिकले १३ बलमा एक चौका र एक छक्कासहित १५ रन जोडे।
यसअघि सातौँ ओभरको अन्तिम बलमा सोमपाल कामीले मलेसियाका धिरन दीप सिंहलाई बोल्ड गर्दा आठौँ ओभरको पाँचौँ बलमा दिपेन्द्र सिंह ऐरीले नेपाललाई चौथो सफलता दिलाए।
यसअघि मलेसियाका ओपनर अन्वर अरुद्दिन १ दशलव ४ ओभरमा नै ८ रन जोड्दा पवेलियन फर्के। उनी करण केसीको बलमा आउट भए।
तेस्रो ओभरको दोस्रो बलमा मलेसियाका कप्तान अहमद फैज रन आउट भएका थिए।
योसँगै मलेसियाको ५ विकेट खसेको छ। ११.१ ओभर सकिँदा मलेसिया ५ विकेट क्षतिमा ७३ रनमा खेलिरहेको छ।
प्रतिक्रिया