युनिकोड
साफ महिला च्याम्पियनसिप अन्तर्गत साविक विजेता बंगलादेशविरुद्धको सेमिफाइनल खेलमा नेपाली राष्ट्रिय महिला टोलीमा ४ खेलाडी परिवर्तन भएको छ।
टोलीका मुख्य प्रशिक्षक नविन न्यौपानेले बंगलादेशविरुद्धको खेलमा अघिल्लो खेलबाट ४ खेलाडी परिवर्तन गरेका हुन्।
प्रशिक्षक न्यौपानेले गोलरक्षक तथा कप्तान एञ्जिला तुम्बाप्पो सुब्बालाई आजको खेलमा सुरुवाती ११ मा ल्याएका छन्।
मिडफिल्डर प्रिति राइ आजको खेलमा टोलीमा उपलब्ध छिन्। डिफेन्डर पुजा राना र अनिता लम्जेल आजको खेलमा प्लेइङ सेटमा छन्।
अघिल्लो खेलबाट गोलरक्षक अञ्जना रानामगर, मिना देउवा, प्रतिक्षा चौधरी, हिरा कुमारी भुजेल आजको खेलमा बेन्चमा छन्।
खेल, भारतको गोवास्थित जवाहरलाल नेहरु स्टेडियममा सवा ४ बजे सुरु हुनेछ। आजको खेलको नेपाली टोलीको कप्तानी एञ्जिला तुम्बाप्पो सुब्बाले गर्नेछिन्।
प्रतिक्रिया