युनिकोड
आईसीसी पुरुष क्रिकेट विश्वकप लिग–२ अन्तर्गत संयुक्त अरब इमिरेट्स (यूएई) विरुद्ध नेपालले खराब सुरुवात गरेको छ।
टस जितेर पहिले ब्याटिङ रोजेको नेपालले १० ओभरको खेल सकिँदा २ विकेट गुमाएर मात्रै ३३ रन बनाएको छ। नेपालका ओपनर कुशल भुर्तेल र भीम सार्की आउट भइसकेका छन्। भुर्तेल १२ बलमा ७ रन जोडेर आउट भए। एक चौका प्रहार गरेका भुर्तेल हैदर अलीको पाँचौँ ओभरको पहिलो बलमा बोल्ड भए।
त्यसपछि आएका भीमलाई मोहम्मद रोहिदले एल्बीडब्ल्यु धरापमा पारे। १३ बलको सामना गरेका भीमले मात्रै ३ रन जोडे। आसिफ सेख १८ रन र रोहित पौडेल २ रन जोड्दै क्रिजमा छन्।
दुवईमा जारी तीनदेश सम्मिलित सिरिज अन्तरगत यसअघि पहिलो खेलमा दुवै टोली अमेरिकासँग पराजित भएका छन्।
यी दुई टोली लिग २ को तालिकामा अन्तिममा छन्। १७ खेलबाट ६ अंक जोडेको यूएई अन्तिममा रहँदा समान खेलबाट १२ अंक जोडेको नेपाल एकस्थान माथि छ।
अब नेपालले शनिबार अमेरिकासँग र अन्तिम खेल बुधबार युएईसँग खेल्नेछ।
प्रतिक्रिया