युनिकोड
एभरेष्ट प्रिमियर लिग ईपीएलका लागि ललितपुर प्याट्रियट्सले ट्यालेन्ट हन्टबाट २ जना खेलाडी अनुबन्ध गरेको छ।
ललितपुरले गत शुक्रबार गरेको ट्यालेन्ट हन्टबाट स्पिनर ओरियो पौडेल र ब्याट्सम्यान विभस्तु थापालाई अनुबन्ध गरेको मगंलबार विज्ञप्तिमार्फत जनाएको हो।
ट्यालेन्ट हन्टबाट आदित्य सुवेदी, असिम श्रेष्ठ, जितेन्द्र कुमार यादव, सुरज तामाङ र दिनेश अधिकारी पनि क्याम्पका लागि छनोट भएका छन्।
ट्यालेन्ट हन्टका लागि २ सय ३१ जना खेलाडीले आफ्नो नाम दर्ता गराएका थिए।
एभरेष्ट प्रिमियर लिग क्रिकेट ईपीएल चैत १ देखि १५ गतेसम्म हुने भनिए पनि कोरोना भाइरसका कारण अनिश्चितकालका लागि स्थगित भएको छ।
प्रतिक्रिया