अर्थबाट कसैको पनि तलबमान स्वीकृत भएको छैन, अफवाह नफैलाऔँ: शिक्षामन्त्री

शिक्षा तथा खेलकुद मन्त्री सस्मित पोखरेलले शिक्षकहरूको प्रोत्साहन भत्ताको विषयमा अफवाह नफैलाउन अनुरोध गरेका छन्। 

आज (सोमबार) फेसबुकमार्फत् उनले प्रोत्साहन भत्ताका विषयमा बजेटमार्फत् नै सैद्धान्तिक व्यवस्था भइसकेकाले अनावश्यक अफवाह नफैलाइदिन आग्रह गरेका हुन्।

‘प्रोत्साहन भत्ता उपलब्ध गराउने सैद्धान्तिक व्यवस्था बजेटमार्फत नै भइसकेको हो। तर अर्थ मन्त्रालयबाट तलबमान स्वीकृत भएर आएको छैन,’ उनले फेसबुकमा लेखेका छन्, ‘यो अवस्था शिक्षकहरूको मात्र होइन, निजामती कर्मचारीहरूको हकमा पनि उस्तै छ। अनावश्यक अफवाह नफैलाइदिनुहुन सबैमा अनुरोध गर्दछु।’