युनिकोड
इंग्ल्यान्ड फुटबल टिमका पूर्वप्रबन्धक स्वेन गोरान एरिक्सनको ७६ वर्षको उमेरमा निधन भएको छ।
एरिक्सनको परिवारले सोमबार भनेको छ- लामो रोगपछि स्वेन-गोरान एरिक्सनको मृत्यु भएको छ।
उनी इंग्ल्यान्ड फुटबल टोलीको पहिलो गैरब्रिटिस प्रबन्धक थिए।
जनवरीमा क्यान्सर पत्ता लागेपछि एरिक्सनले भनेका थिए- मसँग अब बाँच्नका लागि सबैभन्दा राम्रो एक वर्ष मात्र बाँकी छ।
उनले यसै महिनाको सुरुमा रिलिज भएको आफ्नो डकुमेन्ट्री फिल्म ‘स्वेन’को अन्त्यमा एउटा मन छुने सन्देश भनेका थिए।
स्वेन-गोरान एरिक्सनले भने, मलाई आसा छ- तपाईंले मलाई एक सकारात्मक व्यक्तिको रूपमा सम्झनुहुनेछ जसले आफूले गर्न सक्ने सबै गर्न प्रयास गरिरहेको छ।
प्रतिक्रिया