युनिकोड
नेपालको यू-२० पुरुष टोलीको मुख्य प्रशिक्षकमा उर्जन श्रेष्ठ नियुक्त भएका छन्।
अखिल नेपाल फुटबल संघ (एन्फा) ले बुधबार श्रेष्ठलाई मुख्य प्रशिक्षकको जिम्मेवारी दिएको जनाएको हो।
श्रेष्ठले ए डिभिजन टोली थ्रीस्टार र फ्रेण्ड्स क्लबको प्रशिक्षण सम्हालिसकेका छन्।
यस्तै टोलीको सहायक प्रशिक्षकमा सशिन्द्र धिमाल र गोलकिपिङ प्रशिक्षकमा राजु सिंह नियुक्त भएका छन्। उनीहरुलाई एन्फा उपाध्यक्ष दावा लामा र महासचिव किरण राईले नियुक्ती पत्र दिएका थिए।
नेपाली युवा टोलीले आगामी अगस्ट १६ देखि २८ सम्म काठमाडौंमा हुने साफ यू–२० च्याम्पियनसिप खेल्दैछ। प्रतियोगिताका लागिअहिले केन्द्रिय छनोट चलिरहेको छ।
छनोटमा देशभरका करिब ४ सय खेलाडी सहभागी छन्।
प्रतिक्रिया