युनिकोड
नामिबियाले पाँचौँ ओभरमा दोस्रो विकेट गुमाएको छ।
नेपालका बलर रोहित पौडेलले पाँचौँ ओभरको पहिलो बलमा जेपी कोट्जेको विकेट लिएका हुन्।
त्रिवि क्रिकेट मैदानमा भइरहेको विश्वकप लिग २ अन्तर्गतको खेलमा नेपालले नामिबियालाई १६९ रनको लक्ष्य दिएको छ।
पौडेलले नामिबियाका ओपनर जिन पिएर कोट्जेलाई ३ रनमा बोल्ड आउट गरे। त्यसअघि दोस्रो ओभरको पाचौँ बलमा ओपनर निकोलस डेभिन ८ रन बनाउँदा रन आउट भए।
नेपालले दिएको १ सय ६९ रनको लक्ष्य पछ्याएको नामिबियाले पाचौँ ओभरको खेल जारी रहँदा २ विकेट गुमाउँदा १७ रन बनाएर खेलिरहेको छ।
माइकल भान लिंगेन ६ र कप्तान गेहार्ड इरासमस १ रनमा नटआउट छन्।
कीर्तिपुरस्थित त्रिवि क्रिकेट मैदानमा नामिबियाले टस जितेर फिल्डिङ रोजेपछि ब्याटिङ गरेको नेपाल ३७ ओभरमा १ सय ६८ रन बनाउँदा अलआउट भएको थियो।
प्रतिक्रिया