आफ्नै खेलाडीसँग ठोक्किँदा मछिन्द्र क्लबका गुरुङ मैदानमै बेहोस

मछिन्द्र क्लबका खेलाडी छिरिङ गुरुङ घाइते भएका छन्। 

खेलको इन्ज्युरी समयमा मछिन्द्रका गुरुङ आफ्नै खेलाडी पुजन उपरकोटीसँग ठोक्किँदा मैदानमा अचेत भएर ढलेका हुन्। उनी मैदानमै डेढ मिनेटजति बेहोस भएका थिए। 

मैदानमा प्राथमिक उपचार गरेपछि उनलाई अस्पताल लगिएको छ।

छिरिङ मैदानमा ढल्ना साथ संकटाका मुख्य प्रशिक्षक सल्यान खड्की मैदानमा पुगेका थिए।

‘मैले आफूले आफूलाई रोक्नै सकिँन। त्यो सिच्युएशनको म वर्णन नै गर्न सक्दिँन। यस्तै भयो भनेर म आफैं भन्न नसक्ने अवस्थामा थिएँ,’ खड्कीले भने।

दशरथ रंगशालामा भएको खेलमा मछिन्द्रले संकटा क्लबलाई २–१ गोल अन्तरले हराउँदै लिगमा दोस्रो जित निकालेको छ।