युनिकोड
पीएल सिंह स्मृति टी-२० कप आउँदो असार पहिलो साता हुने भएको छ।
काठमाडौँ महानगरपालिकाले बुधबार पत्रकार सम्मेलन गरेर पीएल सिंह स्मृति कपबारे जानकारी दिएको छ। बागमती प्रदेश क्रिकेट संघको व्यवस्थापना र प्राविधिक सहयोगमा काठमार्डौँ महानगरले प्रतियोगिता आयोजना गर्न लागेको हो।
असार ४ देखि १३ गतेसम्म हुने प्रतियोगितामा ६ वटै महानगरका टोलीले प्रतिस्पर्धा गर्नेछन्। प्रतियोगितामा काठमाडौँ, ललितपुर, भरतपुर, वीरगञ्ज, विराटनगर र पोखरा महानगरका ‘मेयर–११’ टोलीले प्रतिस्पर्धा गर्ने जनाइएको छ।
कीर्तिपुरस्थित त्रिवि क्रिकेट मैदानमा हुने प्रतियोगिताका विजेतालाई ट्रफी र मेडलसहित ११ लाख रुपैयाँ नगद पुरस्कार प्रदान गरिनेछ। त्यस्तै, उपविजेता टोलीले पाँच लाख नगद पुरस्कार पाउने जनाइएको छ।
प्रतिक्रिया