युनिकोड
इंग्लिस प्रिमियर लिगमा चेल्सी टोटनहम हटस्परसँग स्तब्ध भएको छ।
गएराति भएको खेलमा टोटनहमले घरेलु मैदानमा चेल्सीलाई २–० गोल अन्तरले पाखा लगाएको हो। हारसँगै चेल्सीको शीर्ष ४ को सपना टाढिँदै गएको छ।
चेल्सी २४ खेलबाट ३१ अंक जोडेर दशौँ स्थानमा छ।
टोटेनहमको जितमा ओलिभर स्किप र कप्तान ह्यारी केनले गोल गरे। खेलको पहिलो हाफ गोलरहित बराबरीमा सकिएको खेलमा दुवै गोल दोस्रो हाफमा सम्भव भयो।
दोस्रो हाफको सुरुवातमा नै ओलिभर स्किपले गोल गर्दै टोटेनहमलाई सुरुवाती अग्रता दिलाएका थिए।
८२औं मिनेटमा कप्तान ह्यारी केनले गोल गर्दै टोटनहमको अग्रता दोब्बर पारे। त्यसपछि खेलमा थप गोल हुन नसक्दा चेल्सी टोटनहमसँग पराजित भयो।
जितसँगै २५ खेलबाट ४५ अंक जोडेको टोटनहम चौथो स्थानमा यथावत छ।
प्रतिक्रिया