युनिकोड
हिमालयन शेर्पाविरुद्धको खेलमा ब्रिगेडले पहिलो हाफमा नै अग्रता बनाएको हो। खेलको १७ औं मिनेटमा बिजय गुरुङले एक्लो प्रयासमा गोल गदै टाेलीलाई अग्रता दिलाएका हुन्।
२९ औ मिनेटमा शिशिर लेखीको कर्नरमा ताजुकिदिन तुसारुको हेडर बाहिरियो। ३५औ मिनेटमा बिजय गुरुङले पेनाल्टी बक्सभित्रबाट गरेको प्रहार शेर्पाका गोलरक्षक किशोर गिरिले पन्च गरे। ब्रिगेडले लिगमा १ सयौं खेल खेलिरहेको छ।
डि डिभिजनबाट घरेलु फुटबलको यात्रा सुरु गरेको बीबीसीले सी, बीबाट बढुवा हुँदै पहिलो पटक २०६१ बाट ए डिभिजन लिग खेल्न थालेको हो।
२०६२ र ६८ मा रेलिगेसनमा परेको बिबिसी पुनः ए डिभिजनमा फर्केर सय खेलको इतिहास रच्ने क्रममा छ। सुरुवातको लिगमा १२ खेल खेलेको ब्रिगेडले २०६२ मा २८ खेल खेलेको थियो।
शीर्ष लिगमा पुगेर पनि दुई पटक रेलिगसेनमा परेको बीबीसीले ६ संस्करणमा १ सय खेलको कोशेढुंगा पुरा गर्न लागेको हो।
जारी लिगमा ३ खेल खेलेको बीबीसीले १ मा जित र २ मा हार व्यहोरेको छ। ३ अंकका साथ सो टोली अंक तालिकाको दशौं स्थानमा छ। शेर्पा २ अंकसहित ११औं स्थानमा छ।
प्रतिक्रिया