ad ad

खेल


नेपाली टिमको कप्तानमा किरणकै पुनरागमन

नेपाली टिमको कप्तानमा किरणकै पुनरागमन

फाइल तस्बिर


नेपालखबर
असोज १०, २०७९ सोमबार १७:५२, काठमाडौँ

नेपाली राष्ट्रिय फुटबल टोलीको कप्तानमा किरण चेमजुङले पुनरागमन गरेका छन्। 

अब्दुल्लाह अलमुताइरीको बहिर्गमनसँगै किरणले राष्ट्रिय टोलीको कप्तानी गर्ने भएका हुन्। 

मंगलबार बंगलादेशविरुद्ध हुने मैत्रीपूर्ण खेलको कप्तानी किरणले नै गर्ने खेलपूर्वको पत्रकार सम्मेलनमा जानकारी दिइएको हो। 

सोमबार भएको पत्रकार सम्मेलनमा कार्यवाहक प्रशिक्षक प्रदीप हुमागाईँसँगै किरण पनि सहभागी भए। 

यसअघि प्रशिक्षक अलमुताइरीसँगको विवादका कारण किरणसहित राष्ट्रिय टोलिका ११ खेलाडी टिमबाट बाहिरिएका थिए। 

जसकारण कुवेतमा भएको एएफसी एसियन कप छनौटमा नवयुग श्रेष्ठलाई कप्तानको जिम्मेवारी दिइएको थियो।

एसियन कपकै अर्को खेलमा भने पुजन उपरकोटीले कप्तानी गरेका थिए। तर बंगलादेशविरुद्धको खेलमा भने नवयुग र पुजन टोलीमै परेनन्। 

नेपाल र बंगलादेशबीचको खेल मंगलबार साँझ साढे ५ बजेदेखि दशरथ रंगशालामा हुनेछ।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .