नेपाल भलिबल संघको यही भदौ २२ मा हुने चुनावमा इन्दिरा निरौलाले वर्तमान महासचिव जितेन्द्र बहादुर चन्दलाई अध्यक्षमा सघाउने भएकी छिन्।
चन्दले आजै अध्यक्षमा उम्मेदवारी घोषणा गरेका थिए। निरौलाले यसअघि नै आफू अध्यक्षमा चुनाव लड्ने बताएकी थिइन्।
३ दशक अब्बल खेलाडी र कुशल व्यवस्थापकको भूमिकामा रहेर राष्ट्रिय खेल भलिबललाई यहाँसम्म ल्याइपुर्याउन भूमिका खेलेको, १० वर्षयता संघको महासचिव पदमा रही काम गर्ने अवसर पाएको र नेपालले योबीचमा पाएको ऐतिहासिक उपलब्धिको एक महत्वपूर्ण अंशीयार रहेकाले अध्यक्षमा चुनाव लड्न लागेको उनले बताए।
यता महासचिवमा हाल संघका सदस्य रोशन श्रेष्ठले दाबेदारी पेस गर्ने भएका छन्।
यसअघि ०७८ वैशाख १ मा निरौलाले निर्वाचनमा अध्यक्ष मनोरञ्जन रमण शर्मा र महासचिव जितेन्द्रबहादुर चन्दले उम्मेद्वारी दिने अवस्था नभएमा वा नदिएको खण्डमा उपयुक्त पात्र आउन नसक्ने अवस्था सृजना हुन सक्ने अवस्थालाई ध्यानमा राख्दै आफूले उम्मेदवारी दिने बताएकी थिइन्।
Shares
प्रतिक्रिया