च्याम्पियन्स लिगको ड्र सार्वजनिक, बार्यन म्युनिख र बार्सिलोना एउटै समूहमा

यूईएफए च्याम्पियन्स लिगको समूह चरणको ड्र सार्वजनिक भएको छ। टर्कीको इस्तानबुलमा बिहीबार राति सिजन २०२२/०२३ को ड्र सार्वजनिक भएको हो।

जसमा समूह सीमा बार्यन म्युनिखसँगै बार्सिलोना पनि परेको छ। यही समूहमा इन्टर मिलान र भिक्टोरिया प्लेजन छन्।

पछिल्लो पटक पनि बायर्नसँगै पराजित हुँदै च्याम्पियन्स लिगबाट बाहिरिँदै आएको बार्सिलोनाले पुनः पुरानै प्रतिस्पर्धी पाएको हो। तर यो सिजन विगतभन्दा फरक छ। बायर्नका प्रमुख स्ट्राइकर रोवर्टो लेवान्डोस्की बार्सिलोनामा छन्।

समूह चरणमै लेवान्डोस्कीले आफ्नो पुरानो क्लबविरुद्ध खेल्नु पर्ने भएको छ। यसअघि उनकै मुख्य भूमिकामा बार्सिलोनाले लज्जास्पद हार ब्यहोरेको थियो। यसपटक बार्सिलोनालाई जोगाउनु पर्ने दायीत्व उनीमाथि हुनेछ। यो समूहलाई यसपटकको ग्रुप अफ डेथ मानिएको छ।

उता फ्रेन्चक्लब पीएसजी र इटालियन क्लब युचेन्टस एउटै समूह एचमा छन्।