युनिकोड
टी-२० अन्तर्राष्ट्रिय क्रिकेटमा नेपालका दीपेन्द्रसिंह ऐरीले तेस्रो अर्धशतक प्रहार गरेका छन्।
जारी टी-२० विश्वकपको ग्लोबल छनोट अन्तर्गत फिलिपिन्सविरुद्धको खेलमा अर्धशतक पूरा गर्दै उनले करिअरको तेस्रो अर्धशतक पूरा गरेका हुन्।
यसअघि उनले यसै प्रतियोगिताअघि नेपालले खेलेको पाँच देशीय क्रिकेट शृंखलामा ओमानविरुद्ध ७३ र गत अप्रिलमा कीर्तिपुर मैदानमा भएको नेदरल्याण्ड्सविरुद्धको खेलमा ६० रनको पारी खेलेका थिए।
नेपालबाट टी-२० अन्तर्राष्ट्रियमा सर्वाधिक ५ अर्धशतक कुशल भुर्तेलको नाममा रहेको छ। उनले जारी फिलिपिन्सविरुद्धकै खेलमा पाँचौं अर्धशतक पूरा गरेका हुन् ।
त्यसबाहेक पूर्वकप्तान पारस खड्काको नाममा ४ अर्धशतक छन्। पारसपछि दीपेन्द्रले ३ अर्धशतक पूरा गरेका हुन्।
विनोद भण्डारीले दुई अर्धशतक पूरा गर्दा ज्ञानेन्द्र मल्ल, आसिफ सेख, कुशल मल्ल, सन्दीप जोराले एक एक अर्धशतक छन्।
प्रतिक्रिया