युनिकोड
सिन्धुपाल्चोकको चौतारा साँगाचोकगढी नगरपालिका–५ मा सञ्चालन भएको ‘खुल्ला हाफ म्याराथन प्रतियोगिता–२०७८’ मा नेपाली सेनाका खेलाडीले दुई स्वर्णसहित चार वटा पदक जित्न सफल भएका छन्।
सेनाकाे त्रिभुवन आर्मी क्लबका एथलेटिक्स खेलाडीहरूले स्वर्ण पदक–२, रजत पदक–१ र कास्य पदक–१ गरी जम्मा ४ पदक प्राप्त गर्न सफल भएका हुन्।
प्रतियोगितामा महिलातर्फ नेपाली सेनाकी विश्वरुपा बुढा प्रथम भइन् भने पुरुषतर्फ नेपाली सेनाका गजेन्द्र राई प्रथम भए।
त्यसैगरी नेपाली सेनाका श्रीकाश राई र नवराज साउद पुरुषतर्फ क्रमशः द्वितीय र तृतीय स्थान हासिल गर्न सफल भएको नेपाली सेनाले जनाएको छ।
आन्तरिक पर्यटन प्रवर्द्धन गर्ने उद्देश्यले चौतारा साँगाचोकगढी नगर खेलकुद विकास समितिले सो प्रतियोगिता आयोजनामा गरेको हो।
प्रतिक्रिया