युनिकोड
आईसीसी विश्वकप लिग–२ अन्तर्गत त्रिकोणात्मक एकदिवसीय शृंखलाको जारी पहिलो खेलमा नेपालविरुद्ध अमेरिका मोनाक पटेलले शतक प्रहार गरेका छन्।
विकेटकिपर पटेलले ११३ बलमा ९ चौका र १ छक्काको मद्दतमा १०० रन पूरा गरेका हुन्। शतक पूरा गरेको अर्को बलमा विक्रब सोबले उनलाई कुशल भुर्तेको हातबाट क्याच गराउँदै पवेलिएन फर्काएका थिए।
उनको शतकसँगै अमेरिकाले ४६ ओभरको खेल सकिदा ७ विकेट गुमाएर २०१ रन बनाएको छ।
अमेरिकाका ओपनर स्टिभन टेलले १४ रन जोडे। उनले १७ बलको सामना गर्दै १ चौका प्रहार गरे।
यस्तै अर्का ओपनर सुशान्त मोदानीले २८ बलमा १ चौका मद्दतमा १६ रन जोडे। त्यसबाहेक अमेरिकाका नोसथुस केन्जिंगे र सन्जय कृष्णमुर्तिले समान १३-१३ रन जोडे।
नेपालका सुशन भारीले १० ओभमा ३१ रन दिएर २ विकेट लिए। यस्तै कुशल मल्लले १० ओभरमा ४५ रन खर्चेर १ रन लिए।
त्यसअघि नेपालले अमेरिकासँग टस हारेर बलिङ रोजेको थियो।
प्रतिक्रिया