बंगलादेशविरुद्धको दोस्रो मैत्रीपूर्ण खेलमा नेपाली महिला राष्ट्रिय महिला फुटबल टोलीले गोलरहित बराबरी खेलेको छ।
त्रिपुरेश्वरस्थित दशरथ रंगशालामा आइतबार साँझ सम्पन्न खेलमा पटक पटकका मौका सदुपयोग गर्न नसक्दा दुवै टोली गोलरहित बराबरीमा रोकिए।
यसअघि बिहीबार भएको पहिलो खेलमा नेपाल २–१ ले विजयी भएको थियो।
भारतमा आयोजना हुने एएफसी महिला एसिया कप–२०२२ छनोटको तयारी स्वरुप नेपालले बंगलादेशसँग मैत्रीपूर्ण खेल खेलेको हो।
एएफसी महिला एसिया कप २०२२ को छनोट खेलमा नेपाल समूह ‘एफ’ मा रहेको छ। नेपाल सम्मिलित समूहमा फिलिपिन्स र हङकङ रहेका छन्।
नेपालले पहिलो खेल १८ सेप्टेम्बरमा फिलिपिन्स र २१ सेप्टेम्बर मा हङकङसँग उज्वेकिस्तानमा खेल्नेछ। यता, जी समूहमा रहेको बंगलादेशले इरान र जोर्डनको सामना गर्नेछ ।
33
Shares
प्रतिक्रिया