बंगलादेशविरुद्ध नेपाल सुरुवाती ११ : दुई खेलाडी परिवर्तन

बंगलादेशविरुद्ध नेपाली राष्ट्रिय महिला फुटबल टोलीले आज अन्तिम मैत्रीपूर्ण खेल खेल्दै छ। 

नेपाली टोलीका प्रशिक्षक ग्यारी फिलिप्सले आज दुई खेलाडी परिवर्तन गरेका छन्। 

आज सविता राना र मञ्जली योञ्जनको ठाउँमा अनिता बस्नेत र रश्मी घिसिङ मैदानमा उत्रिने भएका हुन्। 

त्यसैगरी एन्जिला तुम्बापो, पूजा राना, गीता राना, अमृता जैसी, हिरा कुमारी भुजेल, सरु लिम्बू, प्रिती राई, रेनुका नगरकोटे र विमला चौधरी पनि पहिलो रोजाइमा परेका छन्। 

यसअघि गत बिहीबार भएको पहिलो मैत्रीपूर्ण खेलमा नेपालले बंगलादेशलाई १ का विरुद्ध २ गोलले पराजित गरेको थियो।