तीन खेल गुमाएपछि आर्सनलको पहिलो जित, सिटीले लेस्टरलाई हरायो

इङ्लिस प्रिमियर लिग फुटबल अन्तर्गत जारी सिजनमा आर्सनलले पहिलो जित दर्ता गरेको छ।

यसअघि लगातार तीन खेलमा पराजित भएको आर्सनलले शनिबार रातिको खेलमा नर्विच सिटीलाई १-० गोलले हराएको हो। 

घरेलु मैदानमा एमिरेट्समा आर्सनललाई जितान पिएरे एम्रिक औबामियाङले खेलको ६६ औँ मिनेटमा निर्णायक गोल गरेका थिए। 

यो जितपछि आर्सनलले ४ खेलमा ३ अंक जोड्न सफल भएको छ। उता नर्विचले जारी सिजनमा लगातार चौथो हार भोगेको छ।

शनिबार राति नै भएको अर्को खेलमा डिफेन्डिङ च्याम्पियन म्यानचेस्टर सिटीले लेस्टर सिटीलाई १-० ले हराएको छ। 

सिटीलाई जिताउन खेलको ६२ औँ मिनेटमा बेनार्डो सिल्भाले निर्णायक गोल गरे। प्रतिस्पर्धात्मक खेलमा जितपछि सिटी चार खेलबाट ९ अंकसहित लिगको दोस्रो स्थानमा पुगेको छ। 

पराजित लेस्टर भने ४ खेलबाट ६ अंकसहित लिगको नवौँ स्थानमा रहेको छ।