युनिकोड
बंगलादेशविरुद्ध आज नेपालले मैत्रीपूर्ण महिला फुटबल खेल्दै छ।
दशरथ रंगशालामा साढे ५ बजे सुरु हुने खेलका लागि नेपालले सुरुवाती ११ टोली सार्वजनिक गरेको छ।
आज सावित्रा भण्डारी साम्बाको ठाउँमा सविता राना र अनिता बस्नेतको ठाउँमा प्रिती राईले मौका पाएका छन्।
मुख्य प्रशिक्षक ग्यारी फिलिप्सले सविता र प्रिती दुवैलाई आज डेब्यु गराउन लागेका हुन्।
यसबाहेक बिमला चाैधरी, मञ्जली तामाङ योञ्जन, सरु लिम्बू, रेनुका नगरकोटे, अमृता जैसी, पूजा राना, गीता राना, हिरा कुमारी भुजेल र एन्जिला तुम्बापो सुब्बा पनि सुरुवाती ११ मा परेका छन्।
यी दुई टोली पहिलो मैत्रीपूर्ण खेल खेल्न लागेका हुन्।
नेपाल र बगंलादेशबीच सन् २०१० पछि हालसम्म ६ पटक मात्र भेट भएको छ। त्यसमा ५ खेल नेपालले जितेको थियो भने एउटा खेल बराबरीमा टुंगिएको थियो। बगंलादेशविरुद्ध १२ गोल गरेको नेपालले १ गोल खाएको छ।
प्रतिक्रिया