टाउकोमा चोट लागेको अवस्थामा कञ्चनपुरमा २२ वर्षीय युवक मृत भेटिए, अनुसन्धान गर्दै प्रहरी

कञ्चनपुरमा एक युवक मृत फेला परेका छन्। बेदकोट नगरपालिका–१० हरपालका २२ वर्षीय प्रवीन डगौँरा मृत फेला परेका हुन्।

जिल्ला प्रहरी कार्यालय कञ्चनपुरका डीएसपी उमेश जोशीका अनुसार बुधबार बेदकोट नगरपालिका–१०  नयाँ गाउँस्थित सडकमा डगौँराको शव भेटिएको हो।

घटनास्थलको मुचुल्का गरेर शव पोष्टमार्टमका लागि अहिले महाकाली प्रादेशिक अस्पतालमा राखिएको छ। 

मृतक डगौँराको टाउकोमा चोट छ। ‘हामीलाई बिहान खबर आएको थियो। अहिले घटनास्थल मुुचुल्का गरेर शव पोष्टमार्टमका लागि अस्पताल ल्याएका छौँ,’ डीएसपी जोशीले भने, ‘घटना बारे अनुसन्धान गर्दैछौँ।’