चट्याङ लागेर एक युवकको मृत्यु

चट्याङ लागेर बाराको कोल्हबी नगरपालिका–५, सोनाभारमा एक युवकको मृत्यु भएको छ। 

शनिबार हावाहुरीसँगै चट्याङ पर्दा सोनाभारका ३२ वर्षीय लुटावन चौधरीको मृत्यु भएको जिल्ला प्रहरी कार्यालय, बाराले जनाएको छ।

छठिघाट नजिकैको खेतमा काम गरिरहेका उनी चट्याङ लागेपछि गम्भीर घाइते भएका थिए। स्थानीय बासिन्दाले उनलाई घर ल्याएका थिए। 

उपचारका लागि अस्पताल लग्न नपाउँदै उनको मृत्यु भएको प्रहरीले जनाएको छ।