अविरल वर्षाको कारण पहिरो खस्दा बागलुङस्थित कालीगण्डकी करिडोर अवरुद्ध भएको छ।
सोमबार साँझदेखि परेको वर्षाका कारण पहिरो खस्दा राष्ट्रिय गौरवको आयोजना अन्तर्गतको करिडोर पूर्ण रूपमा अवरुद्ध भएको हो।
करिडोरको बागलुङ नगरपालिका–१० दब्ल्याङमा पहिरो खस्दा करिडोर अवरुद्ध भएको जिल्ला प्रहरी कार्यालयका सूचना अधिकारी प्रहरी नायब उपरीक्षक विजय यादवले जानकारी जानकारी दिए।
करिडोर अवरुद्ध हुँदा लामा तथा छोटो दूरीका सवारीसाधन ठप्प भएका छन्। अहिले वर्षा भइरहेको हुँदा सडक खुलाउन नसकिने यादवले बताए। वर्षा रोकिएपछि पहिरो हटाउन सुरु गरिने उनको भनाई छ।
सडक अवरुद्ध हुँदा सदरमुकामसँग दक्षिण बागलुङको सिधा यातायात बिच्छेद भएको छ । पहिरोले सडक नै भासिएको छ।
गतहप्ता पनि अवरुद्ध भएको यो सडक सोमबार दिउँसो सञ्चालनमा आए पनि गएरातिको भारी वर्षाले पुनः अवरुद्ध भएको हो। रासस
Shares
प्रतिक्रिया