काठमाडाैंकाे नरेफाँटबाट तीन महिलाको १३ लाखका गहना चोरी

काठमाडौं महानगरपालिका–३२ नरेफाँटमा तीन जना महिलाका करिब १३ लाख रुपैयाँको गहना चोरी भएको छ।

नरेफाँटमा डेरा गरी बस्ने काभ्रे बनेपाकी एलिसा सिग्देल, शोभा सापकोटा र सिन्धुपाल्चोक ईन्द्रावती गाउँपालिका–५ की स्मृति गौतमको कोठाबाट शनिबार बेलुका नगद तथा विभिन्न सुन र चाँदीका गहना गरी करिब १२ लाख ९८ हजार रुपैयाँ बराबरको धनमाल चोरी भएको हो।

चोरीमा संलग्न व्यक्तिहरूको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ।