युनिकोड
बाराको सिमरास्थित जगदम्बा स्टिल्स उद्योगमा आगलागी हुँदा दुईजना भारतीय मजदुरको मृत्यु भएको छ। घटनामा अन्य ३ जना घाइते भएका प्रहरीले जनाएको छ।
जीतपुरसिमरास्थित जगदम्बा स्टिल्स उद्योगमा शनिबार राति आगलागी भएको हो। आगलागीमा परेर भारतको विहार पश्चिम चम्पारणका ४० वर्षीय प्रदीप गौड र ४५ वर्षीय रामनाथ महतोको घटनास्थलमै मृत्यु भएको जिल्ला प्रहरी कार्यालय बाराका प्रवक्ता गौतम मिश्रले जानकारी दिए।
घटनामा नेपाली मजदूर राजकुमार बिश्वकर्मा, ईन्द्रप्रसाद अधिकारी र नवराज चौलागाई घाइते भएका छन्। घाइतेमध्ये एकको अववस्था गम्भीर छ।
पेट्रोल र डजेल भण्डारण गर्ने ट्यांकी वेल्डिङ गरिरहँदा ट्यांकी पड्किएको र त्सपछि आगलागी सुरु भएको प्रहरीले जनाएको छ। घाइते मजदुरको वीरगन्जस्थित तराई अस्पतालमा उपचार भइरहेको छ।
आगलागीबाट उद्योगमा धेरै क्षति पुगेको सन्चालक पवन गुप्ताले बताए। उद्योग प्रशासनले मजदुरको सुरक्षामा लापरबाही गर्दा आगलागी भएको गुनासो मजदुरले गरेका छन्।
प्रतिक्रिया