अछाममा जीप दुर्घटना हुँदा तीन जनाको मृत्यु

अछामको बान्नीगढी जयगढ गाउँपालिका-५ मा जीप दुर्घटना हुँदा तीन जनाको मृत्यु भएको छ। घटनामा अन्य तीनजना घाइते भएका छन्।

रामारोशन गाउँपालिकाको मुजाबगरबाट जयगढ जाँदै गरेको से १ ज ९९५ नम्बरको जीप बान्नीगढी -५ लिडिको सुकिबाग भन्ने ठाउँमा गए राति दुर्घटनामा परेको प्रहरीले जनाएको छ।

दर्घटनामा बान्नीगढी–४ का अशोक परियार, सोही ठाउँका काले परियार र बैतडी घर भएका जीपका चालक लाल बोहोराको ज्यान गएको जिल्ला प्रहरी कार्यालय अछामका प्रहरी नायव उपरीक्षक जनकबहादुर शाहीले जानकारी दिए।

अशोक परियारको घटनास्थलमै र अन्य २ जनाको उपचारको क्रममा बयालपाटा अस्पतालमा ज्यान गएको हो।

घाइतेको बयालपाटा अस्पतालमा उपचार भइरहेको प्रहरीले जनाएको छ।

तीव्र गतिका कारण दुर्घटना भएको अनुमान प्रहरीले गरेको छ।