युनिकोड
नेपाली कांग्रेसले प्राकृतिक प्रकोपका घटनामा उद्धार र राहतका काम युद्धस्तरमा गर्न सरकारलाई आग्रह गरेको छ।
कांग्रेस सभापति शेरबहादुर देउवाले एक विज्ञप्ति जारी गर्दै सिन्धुपाल्चोक जिल्लाको सदरमुकाम चौतारा र हेलम्बु, मनाङ, मुस्ताङ, कास्की, गोरखा जिल्ला लगायतका विभिन्न स्थानमा बाढी पहिरोले जनधनको निकै क्षति गरेको घटनाप्रति सरकारको गम्भीर ध्यानाकर्षण गराएका छन्।
'युद्धस्तरमा उद्धार, हराएकाहरुको खोजी, मानिसहरूलाई सुरक्षित स्थल तर्फ स्थानान्तरण, घाइतेको उपचार र राहतको कार्यमा सक्रियता साथ लाग्न म सरकारलाई आग्रह गर्दछु', जारी विज्ञप्तिमा भनिएको छ।
कांग्रेसले स्थानीय पार्टी पंक्तिलाई सक्रियतापूर्वक उद्धार र राहतको कार्यमा संलग्न हुन निर्देशन दिएको छ।
प्रतिक्रिया