युनिकोड
प्रदेश नम्बर १ प्रदेश सभाको बर्खे अधिवेशन यही जेठ २४ गते गर्न प्रदेश सरकारले प्रदेश प्रमुखसमक्ष सिफारिस गर्ने भएको छ।
आज बिहीबार बिहान बसेको प्रदेश मन्त्रिपरिषद बैठकले जेठ २४ गते दिउँसो २ बजे पहिलो बैठक बस्ने गरी प्रदेश प्रमुखलाई बर्खे अधिवेशन आह्वान गर्न सिफारिस गर्ने निर्णय गरेको प्रदेशका आन्तरिक मामिला तथा कानुनमन्त्री हिक्मतकुमार कार्कीले जानकारी दिएका हुन्।
असार १ गते प्रदेश सरकारले बजेट प्रस्तुत गर्ने प्रचलन छ। अध्यादेशबाट बजेट ल्याउने चर्चा भइरहेका बेला प्रदेश १ को सरकारले अधिवेशन आह्वानका लागि प्रदेश प्रमुखलाई सिफारिस गर्ने निर्णय गरेको हो।
निर्णयबारे सुन्नुहोस्, भिडिओ :
प्रतिक्रिया