युनिकोड
काठमाडौँको चन्द्रागिरी नगरपालिका–८ बौथली चोकस्थित सडकमा मोटरसाइकल अनियन्त्रित भई सडकछेउको पसलमा ठोक्किँदा तीन बालबालिका सहित पाँच जना घाइते भएका छन्।
रौतहटको राजदेवी नगरपालिका–२ का ३३ वर्षीय उपेन्द्र ठाकुरले चलाएको बाप्र०२–०३६ प ७६१५ नम्बरको मोटरसाइकल दुर्घटनामा परेको हो।
दुर्घटनामा चालक उपेन्द्र ठाकुर, उनकी ३० वर्षीया श्रीमती रमिता देवी ठाकुर, ३ वर्षीय छोरा रुस्तम ठाकुर, बाँके घर भएका २ वर्षीय सरोज तामाङ र चन्द्रागिरी–८ बौथली चोककी ५ वर्षीया युजला श्रेष्ठ घाइते भएका छन्।
घाइतेहरूको प्रहरीको निगरानीमा राष्ट्रिय ट्रमा सेन्टरमा उपचार भइरहेको छ। मोटरसाइकल नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ।
प्रतिक्रिया