युनिकोड
नेपालमा कोरोना संक्रमण उकालो लागिरहेको छ।
स्वास्थ्य तथा जनसंख्या मन्त्रालयको तथ्यांकअनुसार गत शुक्रबारदेखि हिजो बिहीबारसम्म २ हजार ९ सय ५४ जनामा कोरोना संक्रमण पुष्टि भएको छ।
मन्त्रालयका अनुसार गएको हप्ता २९ हजार ९ सय २८ नमुना परीक्षण गरिएको थियो। यस अवधिमा कोरोना संक्रमणका कारण २१ जनाको मृत्यु भएको छ।
मन्त्रालयका अनुसार देशभर सक्रिय संक्रमितको संख्या ४ हजार ३ सय ८४ छ। ६८ जना क्वारेन्टिनमा छन्।
गत शुक्रबारदेखि बिहीबारसम्म ९९६ जना संक्रमणबाट मुक्त भएका छन्।
हालसम्म नेपालमा कूल २ लाख ८२ हजार ५४ जनालाई कोरोना संक्रमण भइसकेको छ भने तीमध्ये ३ हजार ६६ जनाको मृत्यु भएको छ।
यस्तै अहिलेसम्म २ लाख ७४ हजार ६ सय ४ जना कोरोना संक्रमणबाट निको भएको स्वास्थ्य मन्त्रालयको तथ्यांकमा उल्लेख छ।
प्रतिक्रिया