थप ५ सय जनामा कोरोना पुष्टि, ८४० निको भए, ३ को मृत्यु

नेपालमा पछिल्लो २४ घण्टामा थप ५ सय जनामा कोरोना भाइरसको संक्रमण देखिएको छ।

शनिबार अपरान्ह स्वास्थ्य तथा जनसंख्या मनत्रालयले दिएको जानकारी अनुसार पछिल्लो २४ घण्टामा देशभरमा थप ५ सय जनामा कोरोना भाइरसको संक्रमण देखिएको हो।

योसँगै नेपालमा कोरोना संक्रमितको संख्या २ लाख ५७ हजार ७ सय पुगेको मन्त्रालयले जनाएको छ। त्यस्तै आज देशभर सक्रिय संक्रमितको संख्या ६ हजार ७४६ रहेको छ।

त्यस्तै पछिल्लो २४ घण्टामा थप ८४० जना कोरोना संक्रमित निको भएका छन्। योसँगै निको हुनेको संख्या २ लाख ४९ हजार १२३ पुगेको मन्त्रालयले जनाएको छ।

त्यस्तै पछिल्ले २४ घण्टामा थप ३ जना संक्रमितको निधन भएको छ। योसँगै निधन हुनेको संख्या १ हजार ८१९ पुगेको मन्त्रालयले जनाएको छ।