युनिकोड
संसद विघटनको विषयलाई लिएर नेपाल बार एसोसिएसनमा विभाजित भएको छ।
बारका महासचिव र कोषाध्यक्षले छुट्टाछुट्टै विज्ञप्ती जारी गरेर प्रधानमन्त्रीको पछिल्लो कदमको समर्थन र विरोध गरेका छन्।
सामान्यतया यसअघि महासचिवले बारका तर्फबाट विज्ञप्ती जारी गर्ने प्रचलन थियो। तर, यस पटक कोषाध्यक्षले छुट्टै विज्ञप्ती जारी गरेका छन्। महासचिव लीलामणी पौडेल र कोषाध्यक्ष रुद्र पोखरेलले छुट्टाछुट्टै विज्ञप्ति जारी गरेका हुन्। पौडेलले जारी गरेको विज्ञप्तिमा ओलीको कदमको विरोध गरिएको छ भने पोरखेलकोमा समर्थन गरिएको छ।
पौडेल काँग्रेस निकट र पोखरेल नेकपा निकट मानिन्छन्। यद्यपि बारका अध्यक्ष चण्डेश्वर श्रेष्ठले भने संसद विघटन गर्ने प्रधानमन्त्रीको कदम संविधान विपरित भएको अभिव्यक्ति दिएका छन्। श्रेष्ठले भने, ‘यो गैर संवैधानिक छ। देश र जनताको हितमा छैन।’
महासचिव पौडेलद्वारा जारी विज्ञप्तीमा पर्याप्त कारण र आधार नहुँदै प्रतिनिधिसभा विघटन गरिएको उल्लेख छ।
कोषाध्यक्ष पोखरेलले जारी गरेको विज्ञप्तीमा भने प्रधानमन्त्रीको कदम ‘ताजा जनादेशका लागि’ भएकोले टिप्पणी गर्न उपयुक्त नहुने उल्लेख छ।
प्रतिक्रिया