कोरोना सक्रिय संक्रमित कम हुँदै

हालसम्म कोरोना भाइरस संक्रमणमुक्त हुनेको संख्या दुई लाख ४३ हजार ६६४ पुगेका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा मात्रै कोरोना भाइरस संक्रमणमुक्त हुनेको संख्या एक हजार ९७ छ।

त्यसैगरी हाल देशभर सक्रिय संक्रमितको संख्या आठ हजार ३२० छ। हालसम्म संक्रमितको संख्या दुई लाख ५३ हजार ७७२ पुगेको छ।

पछिल्लो २४ घण्टामा नौ हजार ४०० मा कोरोना परीक्षण गर्दा थप ५८८ जनामा कोरोना भाइरस संक्रमण देखिएको मन्त्रालयले जनाएको छ।

पछिल्लो २४ घण्टामा कोरोना भाइरस संक्रमणका कारण ११ जनाको मृत्युसँगै हालसम्म मृत्यु हुनेको संख्या एक हजार ७८८ पुगेको छ।