युनिकोड
अमेरिकासँग सम्बन्ध बिग्रँदै गइरहेको समयमा चीनले राष्ट्रवादी अभियानलाई तिव्रता दिइरहेको छ।
सोही क्रममा चीनले कोरियाली युद्धमा मारिएका ११७ चिनियाँ सेनाको अवशेष स्वदेश फर्काएको एससीएमपीले जनाएको छ।
आइतबार स्थानीय समयअनुसार ११ बजेर २० मिनेट जाँदा चिनियाँ जनमुक्ति सेनाको वाई–२० विमान सेनाहरुको अवशेषसहित सेनयाङ ताओसियान अन्तर्राष्ट्रिय विमानस्थलमा अवतरण गरेको थियो।
उक्त विमान सोलको इन्चिओल अन्तर्राष्ट्रिय विमानस्थलबाट चीन उडेको थियो। बेइजिङका अनुसार कोरियाली युद्धमा ३ लाख ६० हजार चिनियाँ सेना मारिएको अथवा घाइते भएका थिए।
सन् १९५० देखि १९५३ सम्म भएको कोरियाली युद्धमा चिनियाँ सेनाले उत्तर कोरियाको साथ दिएको थियो। उक्त युद्धमा ५० लाख मारिएको बताइन्छ।
कोरियाली समाचार संस्था योनहापका अनुसार गतवर्ष मात्र १०३ चिनियाँ सेनाको अवशेष फेला पारिएको थियो।
प्रतिक्रिया